ਤਾਜਾ ਖਬਰਾਂ
ਭਾਰਤੀ ਰੇਲਵੇ 1 ਜੁਲਾਈ 2025 ਤੋਂ ਨਵਾਂ ਕਿਰਾਇਆ ਟੈਰਿਫ ਲਾਗੂ ਕਰਨ ਜਾ ਰਹੀ ਹੈ, ਜਿਸ ਨਾਲ ਲੰਬੀ ਦੂਰੀ ਦੀ ਯਾਤਰਾ ਕਰਨ ਵਾਲੇ ਯਾਤਰੀਆਂ ਦੀ ਜੇਬ 'ਤੇ ਅਸਰ ਪਵੇਗਾ। ਨਵੇਂ ਟੈਰਿਫ ਮੁਤਾਬਕ, ਜਨਰਲ ਸੈਕਿੰਡ ਕਲਾਸ ਵਿੱਚ 500 ਕਿਲੋਮੀਟਰ ਤੱਕ ਦੀ ਯਾਤਰਾ ਲਈ ਕੋਈ ਵਾਧਾ ਨਹੀਂ ਹੋਵੇਗਾ, ਪਰ 500 ਕਿਲੋਮੀਟਰ ਤੋਂ ਵੱਧ ਦੂਰੀ ਲਈ ਪ੍ਰਤੀ ਕਿਲੋਮੀਟਰ ਅੱਧਾ ਪੈਸਾ ਵਾਧੂ ਲਾਇਆ ਜਾਵੇਗਾ। ਮੇਲ ਅਤੇ ਐਕਸਪ੍ਰੈਸ (Non-AC) ਟ੍ਰੇਨਾਂ ਵਿੱਚ ਯਾਤਰਾ ਕਰਨ ਵਾਲਿਆਂ ਲਈ ਪ੍ਰਤੀ ਕਿਲੋਮੀਟਰ 1 ਪੈਸਾ ਵਾਧਾ ਹੋਵੇਗਾ, ਜਦਕਿ ਏਸੀ ਕਲਾਸ ਵਿੱਚ ਇਹ ਵਾਧਾ 2 ਪੈਸੇ ਪ੍ਰਤੀ ਕਿਲੋਮੀਟਰ ਹੈ। ਹਾਲਾਂਕਿ, ਸ਼ਹਿਰੀ ਟ੍ਰੇਨਾਂ ਅਤੇ ਮਾਸਿਕ ਸੀਜ਼ਨ ਟਿਕਟਾਂ ਵਿੱਚ ਕੋਈ ਤਬਦੀਲੀ ਨਹੀਂ ਹੋਈ।
ਇਸ ਵਾਧੇ ਦੇ ਨਾਲ-ਨਾਲ, ਰੇਲਵੇ ਨੇ ਟਿਕਟ ਪੁਸ਼ਟੀ ਦੇ ਨਿਯਮਾਂ ਵਿੱਚ ਵੀ ਬਦਲਾਅ ਕਰਨ ਦੀ ਤਿਆਰੀ ਕਰ ਲਈ ਹੈ। ਹੁਣ ਤੱਕ ਯਾਤਰੀਆਂ ਨੂੰ ਆਪਣੀ ਯਾਤਰਾ ਤੋਂ ਸਿਰਫ 4 ਘੰਟੇ ਪਹਿਲਾਂ ਹੀ ਪੁਸ਼ਟੀਕ੍ਰਿਤ ਟਿਕਟ ਬਾਰੇ ਜਾਣਕਾਰੀ ਮਿਲਦੀ ਸੀ, ਪਰ ਨਵੀਂ ਪ੍ਰਣਾਲੀ ਅਨੁਸਾਰ, 24 ਘੰਟੇ ਪਹਿਲਾਂ ਹੀ ਫਾਈਨਲ ਚਾਰਟ ਜਾਰੀ ਕੀਤਾ ਜਾਵੇਗਾ, ਜਿਸ ਨਾਲ ਯਾਤਰੀ ਵਧੀਆ ਤਰੀਕੇ ਨਾਲ ਆਪਣੀ ਯੋਜਨਾ ਬਣਾ ਸਕਣਗੇ।
ਇਹ ਨਵੀਂ ਟਿਕਟਿੰਗ ਪ੍ਰਣਾਲੀ ਹੁਣ ਪਾਇਲਟ ਰੂਪ ਵਿੱਚ ਰਾਜਸਥਾਨ ਦੇ ਬੀਕਾਨੇਰ ਡਿਵੀਜ਼ਨ ਵਿੱਚ 6 ਜੂਨ ਤੋਂ ਇੱਕ ਰੇਲਗੱਡੀ 'ਤੇ ਲਾਗੂ ਕੀਤੀ ਗਈ ਹੈ। ਰੇਲਵੇ ਅਧਿਕਾਰੀਆਂ ਦੇ ਅਨੁਸਾਰ, ਹੁਣ ਤੱਕ ਇਹ ਪ੍ਰਣਾਲੀ ਸਫਲ ਰਹੀ ਹੈ ਅਤੇ ਕਿਸੇ ਵੀ ਸਮੱਸਿਆ ਦੀ ਸੂਚਨਾ ਨਹੀਂ ਮਿਲੀ। ਕੁਝ ਹਫ਼ਤਿਆਂ ਦੀ ਟੈਸਟਿੰਗ ਤੋਂ ਬਾਅਦ ਇਸਨੂੰ ਹੋਰ ਡਿਵੀਜ਼ਨਾਂ ਵਿੱਚ ਵੀ ਲਾਗੂ ਕਰਨ ਦੀ ਯੋਜਨਾ ਹੈ।
Get all latest content delivered to your email a few times a month.
